پاکستان کے بڑے شہر میں پسند کی 6 شادیاں کرنے والی 30 سالہ خاتون کیساتھ 22سالہ بھائی نے ایسا کام کر ڈالا کہ پاکستانیوں کے سر شرم سے جھک گئے

پسند کی 6 شادیاں کرنے والی 30 سالہ خاتون سگے بھائی کے ہاتھوں قتل، سرگودھا میں 22 سالہ نوجوان نے چھٹی شادی کے بعد میکے آنے والی بہن کو کمرے میں بند کر کے قتل کر ڈالا، گرفتاری کے بعد اعتراف جرم کر لیا۔ تفصیلات کے مطابق پنجاب کے ضلع سرگودھا میں نوجوان نے اپنی شادی شدہ بہن کو غیرت کے نام پر قتل کر ڈالا۔ پسند کی 6 شادیاں کرنے والی بہن کو 22 سالہ بھائی نے زندگی سے محروم کردیا۔ چھٹے شوہر نے بیوی کے لاپتہ ہونے کا مقدمہ درج کروایا تو دورانِ تفتیش اس بات کا انکشاف ہوا۔سرگودھا کے گائوں 17 جنوبی ٹانگوں والی کی رہائشی 30 سالہ نگہت پروین کے لاپتہ ہونے کا 17 اگست 2020ء کو تھانہ صدر میں اس کے چھٹے شوہر وسیم امجد نے مقدمہ درج کروایا۔

مقدمے کے اندراج کے بعد پولیس نے نگہت پروین کی تلاش شروع کی تو اس کے موبائل کی آخری کال کی لوکیشن والدین کے گھر پہنچ کر ختم ہو گئی۔ پولیس کے رابطہ کرنے پر اہلِ خانہ بتاتے ہے کہ نگہت دوستوں کے ساتھ اسلام آباد گئی ہوئی ہے۔ پولیس نے جدید ٹیکنالوجی استعمال کرتے ہوئے تفتیش کو آگے بڑھایا اور نگہت پروین کے 22 سالہ بھائی عبداللہ ہاشم سے تفتیش شروع کی تو وہ انکشافات کرتا ہی چلا گیا۔ بھائی نے بتایا کہ بہن گزشتہ 8 سال سے شرمندگی کا باعث بنی ہوئی تھی، گائوں کے لوگ بھی بہن کے کریکٹر کی وجہ سے ہمیں اچھا نہیں سمجھتے تھے، جب وہ چھٹی شادی کر کے گھر آئی تو میں نے کمرے میں بند کر کے زندگی سے محروم کر دیا۔ پولیس نے لڑکی کے بھائی کو گرفتار کر لیا ہے۔ پولیس کا کہنا ہے کہ مقدمے کا چالان جلد مرتب کر کے عدالت کو بھجوا دیا جائے گا۔

Sharing is caring!

Categories

Comments are closed.